కొవిన్‌ యాప్‌లో యాప్‌లో రాష్ట్రంలోని 2,222 ప్రభుత్వ, ప్రైవేట్‌ ఆస్పత్రులు, కేంద్ర ప్రభుత్వ ఆస్పత్రుల వివరాలు ఉంటాయి. ఆరోగ్యసేతు యాప్‌ ద్వారా కూడా రిజిస్ట్రేషన్‌ చేసుకోవచ్చు. యాప్‌లో ఉండే ఆస్పత్రులు, సమయాన్ని అనుసరించి టీకా పొందేందుకు వివరాలు నమోదు చేసుకోవచ్చు. పేరు, వయసు, పురుషులు/మహిళలు, పంపిణీ కేంద్రం, సమయాన్ని కూడా ఎంచుకోవాల్సి ఉంటుంది. ఈ వివరాల నమోదు జరిగిన వెంటనే స్లాట్‌ కేటాయిస్తారు.. ఆ తర్వాత మొబైల్‌కరు మేసేజ్ కూడా వస్తుంది. యాప్‌లో ముందస్తుగా వివరాలు నమోదు చేయకున్నా వ్యాక్సిన్ తీసుకోవచ్చు. సంబంధిత కేంద్రంలో ఆ రోజు టీకా వేయించుకునే వారు తక్కువ మంది ఉంటే అవకాశం కల్పిస్తారు. అయితే దీనికి ముందు వివరాల నమోదు తప్పనిసరి. టీకా తీసుకోగానే రెండో డోసు ఎప్పుడు వేయించుకోవాలనే సమాచారం వస్తుంది. ప్రాధాన్య క్రమంలో తొలి డోసు పొందిన 29 రోజుల నుంచి 42 రోజుల్లోగా రెండో డోసు ఇస్తారు. ఆయా కేంద్రాల్లో అందుబాటులో ఉన్న టీకాను పంపిణీ చేస్తారు.
వివరాలు నమోదు చేసిన తర్వాత రిజిస్ట్రేషన్‌ స్లిప్, టోకెన్‌ ఇస్తారు. యాప్‌లో స్లాట్‌‌కు సంబంధించి స్లిప్ డౌన్‌లోడు చేసుకొనే అవకాశాన్నీ కల్పిస్తారు. ఫోన్‌కు వచ్చిన సంక్షిప్త సమాచారాన్ని పంపిణీ కేంద్రాల్లో చూపించినా టీకా వేస్తారు. ఇక ఆధార్ కార్డ్, ఫోటో ఐడీ కార్డ్, డ్రైవింగ్ లైసెన్స్, పాస్‌పోర్టు, ఫొటోతో ఉన్న పింఛను డాక్యుమెంట్‌, ఎన్‌పీఆర్‌ కార్డు వంటివి గుర్తింపుకార్డుగా తీసుకెళ్లొచ్చు.
