పంచాయతీ ఎన్నికల తొలి విడత నామినేషన్ల ఉపసంహరణ గడువు గురువారంతో ముగిసింది. రాష్ట్రంలో మొదటి దశలో 3249 పంచాయితీలకు ఎన్నికలు నిర్వహిస్తుండగా.. 453 పంచాయతీలు ఏకగ్రీవం అయ్యాయి. టీడీపీ అధినేత చంద్రబాబు నాయుడు సొంత జిల్లా చిత్తూరులో అత్యధికంగా 110 పంచాయతీలు ఏకగ్రీవం అయ్యాయి. రాజధాని అమరావతి ప్రాంతం ఉన్న గుంటూరు జిల్లాలో 67 పంచాయతీలు ఏకగ్రీవమయ్యాయి. కర్నూలు జిల్లాలో 54, వైఎస్‌ఆర్‌ కడప జిల్లాలో 46, శ్రీకాకుళం జిల్లాలో 34, పశ్చిమగోదావరి జిల్లాలో 40, విశాఖ జిల్లాలో 32, ప్రకాశం జిల్లాలో 16, కృష్ణా జిల్లాలో 20, తూర్పుగోదావరి జిల్లాలో 28 ఏకగ్రీవం అయ్యాయి.
